Ыам ыйын 21 күнүгэр ыллыыр-туойар, кырылас кумахтаах кырдьаҕас Бүлүүбүт туонатыгар, ырыа күнэ үөрүүлээх тэрээһинэ буолан ааста.
Олохтоох самодеятельность күүһүнэн үөрүүлээх бырааһынньыктааҕы кэнсиэргэ 140 ырыаһыт кыттыыны ылла.
Чинэкэ нэһилиэгиттэн «Кыталыына» вокальнай ансамбль,
«Дэгэт» устудьуоннар вокальнай ансаамбыллара,
Медицина улэһиттэрин «Гармония», «Элегия» вокальнай ансаамбыллара,
Марк Жирков аатынан оройуоннааҕы культуура киинин иһинэн дьарыктанар «Ай-Ыллаа» вокальнай ансаамбыл дьон – сэргэ биһирэбилин ыллылар.
Кэнэҕэски ыччаттарбыт, Н.С. Степанов аатынан 3 нүөмэрдээх оскуола 2 «Б», 4 «А» уонна 5 «В» кылаастар үөрэнээччилэрэ түмсүүлээх хорунан ыллааннар бар-дьону эҕэрдэлээтилэр.
Дьон-сэргэ кутун туппут ымыылаах ырыаһыттар, ырыа күнүн айхаллаан дуораччы ыллаатылар.
Ырыа күнэ уһугунна! Ырыа күнэ баар буолла! Саргыбыт сайынна!
