Үрүҥ эһэ арҕаһыныы
Үллэр бааллаах хоту байҕал
Кытылыгар айар, ыллыыр
Сахам сирэ барахсан.
Оо, төрөөбүт күндү дойдум!
Таптыыбын эн ырыаларгын,
Хара улар хааһын курдук
Аалай кыһыл сарыалгын.
(И.Гоголев-Кындыл)
Бүгүн, муус устар 27 күнүгэр, көй көмүс ыллыыр кумахтаах, лоҥкур бэс мастардаах Бүлүү куоратын дьоно-сэргэтэ түһүлгэлээн түмсэр “Оленск” стадионун таһыгар Саха Өрөспүүбүлүкэтин күнүгэр аналлаах “Сахам сирэ барахсан” диэн бэрт истиҥ-иһирэх кэнсиэр буолла. Кэнсиэркэ кыттыыны ыллылар Бүлүү көмүс куоластара: Михаил Васильев, Афанасий Каратаев, Вероника Атасова, “Сулус суһума” бөлөх солистара Александр Иванов – Уол Сомоҕо, Александр Иванов, Айысхаана, Владимир Буслаев, Анна Черкашина, Виктория Михайлова, М.Н. Жирков аат. Оройуоннааҕы култуура Дыбарыаһын оҕо вокальнай студията (сал. С.Т. Маччаева), “Кэрэли” үҥкүү бөлөҕө (сал. Ю.П. Федорова), “Дорҕоон” этно-фольклорнай бөлөх (сал.Н.Ю. Корякина). Саха сирин туһунан хоһоон аахтылар Степан Аржаков аатынан дьиэ кэргэҥҥэ иитиини өйүүр Бүлүүтээҕи киин иитиллээччилэрэ Михаил Яковлев, Туя Яковлева, сал. Барбахтырова М. Г., Иванова Е. П.
Саха Өрөспүүбүлүкэтэ төрүттэммит өрөгөйдөөх күнүнэн!
