Бүгүн халлаан тымныйбыт
Кыраһалаан хаар ыспыт
Кыһын кимэн-килбэйэн
Тэлгэһэбэр үктэммит.
Атахтарым хаары үктээн
Хаачыгыраан тыаһыыллар
Оруобуна түһэрсэннэр
Оһуохайдыыр курдуктар.
Бүгүн «Сахам сирин кырыа кэрэ кыһына (Чарующая зима Якутии)» куйаар ситимин нөҥүө аһаҕас хаартысканан күрэх түмүктэннэ. Киэҥ нэлэмэн кэрэ айылҕалаах Сахабыт сириттэн 45 кыттааччы кыттыыны ылла. Күрэх кыттааччыларыгар, дьүүллүүр сүбэҕэ Оройуоннааҕы култуура уонна норуот айымньытын сайдыытын Киинин аатыттан махталбытын тиэрдэбит.
Баҕарабыт саха алмааһыныы кытаанах доруобуйаны, ситиһиилэри.
