Саха АССР төрүттэммитэ 100 сыллаах өрөгөйдөөх үбүлүөйүнэн бүгүн муус устар 27 күнүгэр Бүлүү куоратын » Оленск» стадионугар Бүлүү улууһун дьоно-сэргэтэ өрө көтөҕүллүүлээхтик көрүстүлэр. Стадиоҥҥа сахалыы таҥастаах сэлэлии хаамсыы, оһуокай дуорайда, уус-уран самодеятельность кыттыылаахтарын эҕэрдэ кэнсиэрэ үрдүк таһымнаахтык ааста. Маны сэргэ, олохтоох оҥорон таһаарааччылар атыы-эргиэн дьаарбаҥкатын, биирдиилээн дьон торт оҥоһуутугар уонна спортивнай күрэх, канат тардыһыытыгар ыытылынна. Ити курдук, бүгүҥҥү тэрээһиҥҥэ дьон-сэргэ, оҕо-аймах тоҕуоруһан, бэрт сэргэхтик ааста.
