М.Н.Жирков аатынан культура Дыбарыаһыгар биир дойдулаахпыт, биир идэлээхпит Чочутааҕы «Үрүҥ Уолан» культура уонна спорт комплексын специалиһа Леонид Петрович Томскай эмтэнэригэр көмөҕө үп-харчы хомуйуутугар аһымал — концерка сааланы тобус толору көрөөччү муһунна. Концерка Чочуттан «Далбар» үҥкүү бөлөҕө, Кыадаҥдаттан «Эр Хоһуун» ансамбль, Бүлүү куоратын каһаактарын хуора, баянистарын «Аккорд» ансамбла, «Айылгы» народнай үҥкүү коллектива, ырыаһыттар Елена, Иван Тулааһынаптар, Владимир Буслаев, Анастасия Васильева — Далбарай, Саина Лыткина, Үөһээ Бүлүүттэн Анисия Алексеева, Петр Иванов, Дьокуускайтан Эрхаан, Китджа, Замир уонна Радивер, Маахта, «Zavod» бөлөх үҥкүүһүттэрэ, диджей «Dramatika» кытыннылар. Владимир Тимофеев сэргэхтик ыытта.
Акция — концерка 170000 солк. киирэн Бүлүү дьоно үтүө санаалаахтарын, түмсүүлээхтэрин өссө төгүл көрдөрдүлэр. Концеры тэрийээччи Ренат Ивановка уонна кыттааччыларга Чочу нэһилиэгин дьаһалтатын баһылыгын солбуйааччыта Н.П.Евсеева, аймахтар ааттарыттан М.С.Томскай Махтал Суруктары туттардылар.
Бүлүүлэр сүрэхпит сылааһынан өрүү дьоммутугар көмөлөһө туруоҕуҥ!
