Уйгу — быйаҥ олохтоох
Уруй — туску сайыммыт
Уунан устан кэлбитин
Уруйдуоҕуҥ доҕоттоор!
«Талыы-талба саха таҥаһа» улуустааҕы дистанционнай сахалыы таҥас күрэҕин балаһыанньата
Буолар күнэ: 2020 сыл, бэс ыйын 10-21 кнүгэр диэри ыытыллар
Сыала-соруга:
• саха омуга таҥнар таҥаһын ураты көстүүтүн, быһыытын-таһаатын, ойуутун-дьэрэкээнин сайыннаран, харыстаан үйэлэри уҥуордаабытын тириэрдии. Бу күөн-күрэс саха таҥаһа саҥа кэрдиискэ тахсарыгар олук уурар;
• сахалыы таҥаһы кэтиини киэҥ эйгэҕэ тарҕатыы;
• иис култууратын, ойуу-мандар, симэх үгэстэрин кэҥэтии.
Күөн-күрэс икки бөлөҕүнэн ыытыллар:
• дьиэ кэргэнинэн уонна уопсастыбаннай түмсүүлэринэн сахалыы таҥас;
• биирдиилээн киһи сахалыы таҥаһа (18 сааһыттан үөһээ саастаахтар)
Күөн-күрэс ирдэбиллэрэ:
• кыттыы иһин усунуостар: биирдиилээн киһиттэн 500 солк., дьиэ кэргэнтэн 1500 солк.;
• саха таҥаһа киэргэллээҕэ ирдэниллэр (илин кэбиһэр, бамтыҥа, кур, дэйбиир уо д.а.); Тэрээһин ирдэбиллэрэ:
• сахалыы таҥаһы кэтэн хааман видеоҕа устан (телефону сытыары тутан устуллар) уонна хаартыскаҕа түһэрэн +79141050199 тел. ыытыы;
• усунуоһу +9141050199 тел. кыттааччы аатын, араспаанньатын, сааһын, кылгас аннотациялаан суруйан ыытар.
• күрэх түмүгэр харчынан бириистэр туттарыллаллар:
— дьиэ кэргэн уонна уопсастыбаннай түмсүүлэр бөлөҕөр I миэстэ – 10 000 солк., II миэстэ – 8 000 солк., III миэстэ – 6 000 солк.
— биирдиилээн дьоҥҥо I миэстэ – 5 000 солк., II миэстэ – 4 000 солк., III миэстэ – 3 000 солк.
— хас биирдии кыттааччыга туоһу сурук туттарыллар;
— дьүүллүүр сүбэ быһаарыыта бүтэһиктээх.
Сайаапкаҕытын бу аадырыска ыытаҕыт: э/п kultura.vilu@mail.ru, билсэр телефоҥҥут 8411-32-42191
Координатор: Степанова Тамара Прокопьевна — 89142977630
Тэрийэр сүбэ
