Саха АССР култууратын үтүөлээх үлэһитэ, биллиилээх хомус оҥоһуутун маастара, алгысчыт, хомусчут, оһоукайдьыт, тойуксут И.Ф. Захаров — Кылыадьы Уус төрөөбүтэ 100 сылыгар аналлаах хомус уустарын кэтэхтэн аһаҕас күрэҕин балаһыанньата
Буолар күнэ-дьыла:
Бэс ыйын 1-21 күннэрэ 2020 сыл
Буолар сирэ:
Бүлүү улууһа Бүлүү куората
Кыттааччылар:
Саха музыкальнай инструменын – хомуһу оҥорооччулар сааһыттан, олорор сириттэн тутулуга суох кытталлар.
Күрэх сыала-соруга:
— Иван Федорович Захаров — Кылыадьы Уус аатын үйэтитии
— Саха хомуһун тарҕатыы
— Бастыҥ талааннаах хомус охсооччулары быһаарыы
Күрэх сүрүн балаһыанньата, ирдэбилэ:
Хомус уустара биирдии хомуһу оҥорон, бэлэмнээн ыыталлар. Хомуһу киэргэтэн, дизайнаан, маны сэргэ, И.Ф. Захаров-Кылыадьы Уус хомуһу кутан оҥорор технологиятын туттан оҥоруу биһирэнэр. Дьүүллүүр Сүбэ хомус этигэнин, уһун тыынын, тупсаҕай оҥоһуутун, киэргэлин (дизайн, барельеф) көрөр. Күрэх түмүгүнэн кылаан бирииһи уонна 1,2,3 миэстэлэри ылбыт уустар хомустара И.Ф. Захаров-Кылыадьы Уус 100 сыллаах үбүлүөйүгэр оҥоһуллубуттарын бэлиэтин Бүлүү куоратыгар баар И.Ф. Захаров-Кылыадьы Уус аатынан түмэл-дьиэ фондатыгар киллэриллэн, үйэ саас хараллыыга ууруллуохтара. Онтон атын, миэстэҕэ тиксибэтэх уустар хомустара уустарга төннөрүллэр. Хомус оҥоһуутун күрэҕэр кыттааччы 1 000 солк (биир тыһыынча солк.) взнос төлүүр. Взнос төлөбүрүгэр эппиэттээх Егорова Саргылана Аркадьевна – 89141050199 телефоҥҥа сыһыарыллыбыт мобильнай бааҥҥа ыытыллар уонна кыттааччы взноһу төлөөбүтүн бигэрэгэтэр квитанциятын ватсабынан бу номерга ыытар.
Дьүүллүүр сүбэ састааба:
— Колодезников Иван Кононович-Үрүҥ Уус, Саха Республикатын норуотун маастара, Аан дойду таһымнаах хомус оҥоһуутун маастара, дьүүллүүр Сүбэ салайааччыта;
— Чемчоев Реворий Гаврильевич –Чөмчөө Уус, Саха Республикатын культуратын үтүөлээх үлэһитэ, Саха Республикатын норуотун маастара, Аан дойду таһымнаах хомус оҥоһуутун маастара, Бүлүү улууһун бочуоттаах олохтооҕо;
— Дмитриев Аял Ильич – Саха Республикатын культуратын туйгуна, импровизатор-хомусчут;
— Евсеева Августина Платоновна, Саха Республикатын культуратын үтүөлээх үлэһитэ, импровизатор-хомусчут;
— Лукина Маргарита Николаевна, Бүлүүтээҕи М.Н. Жирков аатынан оҕо искусство оскуолатын преподавателэ.
Дьүүллүүр Сүбэ быһаарыыта бүтэһиктээх уонна дьүүллэһиигэ, ырытыыга туруоруллубат.
Күрэх түмүгүнэн маннык миэстэлэр тахсыахтара:
Гран-при – 15 000 (уон биэс тыһыынча солкуобайдаах) И.Ф. Захаров- Кылыадьы Уус оҕолорун, дьиэ кэргэнин аатыттан анал бириис;
1 миэстэ – 10 000 солк. (уон тыһыынча солкуобай)
2 миэстэ – 8 000 солк (аҕыс тыһыынча солкуобай)
3 миэстэ — 5 000 солк. (биэс тыһыынча солкуобай)
Хас биирдии кыттааччыга сертификаттар, кыайыылаахтарга дипломнар туттарыллаллар.
Сайаапкалары маннык эл. аадырыска ыытыахха сөп: kultura.vilu@mail.ru
Оҥоһуллубут хомустары тутар аадырыспыт: 678200, Бүлүү улууһа, Бүлүү куората, Чиряев уул. 18, тел. 8411-32-42191. Күрэххэ кыттыы туһунан ыйытыылары 89142977630 – Степанова Тамара Прокопьевнаттан билиэххэ сөп. Сайаапкалары, бэлэм оҥоһуллубут хомустары бэс ыйын 19 күнүгэр диэри тутабыт. Түмүгү таһаарыы 2020 сыл бэс ыйын 21 күнүгэр ыытыллар.
Сайаапка бэриллэр формата:
— араспаанньата, аата, аҕатын аата
— улууһа, куората, нэһилиэгэ — кыттааччы толору сааһа
— оҥоһук аата, ахсаана
— кыттааччы телефона, аадырыһа
— кыттааччы паспорын, СНИЛС, ИНН копияларын сайаапканы кытта тэҥҥэ ыытар. Тэрийэр хамыыһыйа
