В.О.Каратаев аатынан Олоҥхо Дьиэтигэр саха фольклорун, сиэрин-туомун, үйэлээх үгэстэрин тарҕатааччы, үйэтитээччи, олоҥхоһут, тойуксут, Далбар Хотун үтүөлээх Этээччи, Алгысчыт, отоһут, үлэ бэтэрээнэ Российскай Федерация социальнай сулууспатын үтүөлээх үлэһитэ, Саха Өрөспүүбүлүкэтин социальнай сулууспатын туйгуна, «Гражданскай килбиэн” бэлиэлээх, Саха Өрөспүүбүлүкэтин көрбөттөр уопсастыбаларын бочуоттаах үлэһитэ КАРОЛИНА ПЕТРОВНА ХАРЛАМПЬЕВА
«Эрдэҕэс кутуругун эрийэ туппут курдук эриллэҕэс уҥуохтаах Эрбэһин Бухатыыр”
кинигэтин билиһиннэриитэ буолла.
Бу дьоро түһүлгэ Алгысчыт, норуот эмчитэ Сөдүөт Иванов арчылаах Алгыһынан саҕаланна.
Билиһиннэриини Саха Республикатын культуратын туйгуна Матрена Иванова иилээн-саҕалаан ыытта.
Олоҥхо коллектива саҥа олоҥхоттон быһа тардан толордулар.
Ааптары Бүлүү улууһун дьаһалтатын социальнай политикаҕа отделын начальнига А.А.Кудайбердиева,
оройуоннааҕы бэтэрээннэр Сэбиэттэрин бэрэстээтэлин солбуйааччы Д.С.Седалищев, И.М.Гоголев-Кындыл аатынан улуустааҕы кииннэммит библиотека ситимин директорын солбуйааччыта Ф.А.Игнатьева, культура сайдыытын уонна норуот айымньытын оройуоннааҕы Киинин специалиһа Н.Н.Иванова, В.О.Каратаев аатынан олоҥхо народнай коллективын салайааччыта С.Т.Иванова, Советскай Союз Геройа Н.С.Степанов аатынан оскуола учуутала М.К. Муксунова,
Өрөспүүбүлүкэтээҕи «Утум» уопсастыбаннай тэрилтэ Бүлүүтээҕи салаатын дириэктэрэ, Бүлүү улууһун уопсастыбаннай түмсүүлэрин салайааччыта М.П. Томская, дьүөгэлэрэ, аймахтара уо.да.а. эҕэрдэлээтилэр. Балта Матрена Сивцева Ийэ туһунан ырыалары бэлэхтээтэ.
Каролина Петровна кэлбит ыалдьыттарга махтанна, чуор сэргэх куолаһынан олоҥхотун түмүктүүр оһуокайын тардан кэбистэ.
Күндү Каролина Петровна, айылҕаттан аналгын тутуһан, уйулҕаҥ ураты кутугар куустаран айа- туойа сырыт, чэгиэн этэҥҥэ буол!
