Саха Өрөспүүбүлүкэтигэр Олоҥхо күнүн чэрчитинэн
Бүлүү улууһугар ыытыллар Олоҥхо декадатыгар
олоҥхоһут В.О.Каратаев – Харатай Баһылай төрөөбүтэ 95 сылыгар аналлаах
куйаар ситимин нөҥүө олоҥхону толорооччуларга
«ОЛЛООННООН ОЛОРОН ОЛОҤХОЛУОХ»
аһаҕас күөн-күрэс
балаһыанньата
Тэрийээччилэр: “Оройуоннааҕы култуура уонна норуот айымньытын сайдыытын киинэ» МБКТ «Бүлүү улууһа (оройуона)» МО
Ыытыллар кэмэ: 2021 сыл сэтинньи 16 күнүттэн ахсынньы 5 күнүгэр дылы.
Сыала-соруга:
- олоҥхону тарҕатыы, олоҥхоһуттары үйэтитии;
- олоҥхону биирдиилээн толорооччулары көҕүлээһин, киэҥ эйгэҕэ таһаарыы;
- олоҥхону сэҥээрэр, толорорго холонор, олоҥхо олуктарын, төрүт өйдөбүллэрин тус олоҕор туһанарга баҕалаах, дьоҕурдаах ыччаты иитии;
- олоҥхону биирдиилээн толоруу ньыматын баһылааһын, толоруу таһымын үрдэтии;
- олоҥхону истээччилэр эйгэлэрин кэҥэтии.
Кыттааччылар: олоҥхону биирдиилээн толорооччулар:
- I бөлөх: 18-гар диэри саастаах оҕолор;
- II бөлөх: 18-тан 35-гэр диэри;
- III бөлөх: 36-тан үөһэ саастаах дьон.
Сүрүн ирдэбиллэр:
- күрэххэ кыттааччы В.О.Каратаев – Харатай Баһылай олоҥхотуттан эбэтэр атын да олоҥхону толорор;
- сайаапкалары, күрэххэ кыттар видеолары dvorecvil@mail.ru почтаҕа эбэтэр telegram мессенджер ситимигэр 89142918378 Корякина Надежда Юрьевнаҕа ыытаҕыт.
- кыттыы иһин усунуос 200 солк (сбер, аэб 89142918378 Надежда Юрьевна К.)
Сыаналааһын ирдэбиллэрэ:
- олоҥхону төрүт олохсуйбут ньыманан толоруу;
- олоҥхону толорооччу тылын-өһүн баайа, тэтимэ, олоҥхо тутулун, оҥкулун тутуута;
- олоҥхо ырыатын-тойугун арааһын толоруу, куолаһын кэрэтэ;
- олоҥхо ис хоһоонун дьоҥҥо-сэргэҕэ тиэрдии, истээччи болҕомтотун тардыы;
- олоҥхону толорооччу сахалыы таҥаһын ситэритэ, толорута.
Биһирэбил көрүҥнэрэ:
- Кылаан бириис уонна түһүмэхтэринэн үс бөлөххө I, II, III Үрдэллэр олохтоноллор;
- Хас биирдии кыттааччыга Туоһу сурук туттарыллар;
- Дьүүллүүр сүбэ быһаарыыта бүтэһиктээх.
Тэрийэр хамыыһыйа
