Н. И. Ылахова аатынан Бүлүү куоратын национальнай- культурнай Киинин
И. М. Гоголев-Кындыл аатынан Бүлүүтээҕи норуот театра театр артыыската Мария Оконешникова суруйуутугар, режиссер Саха Республикатын культуратын үтүөлээх үлэһитэ Маргарита Соколова туруоруутугар «Байанайы кэлэтии» диэн саҥа спектаклынан айар сезонун түмүктээтэ.
Өрүү буоларын курдук артыыстар толорууларын көрөөччү ылынна, ытыс дохсун тыаһынан биһирээтэ.
Сүрүн оруолу — Нарыйа Ивановна оруолун культура сайдыытын уонна норуот айымньытын Киинин специалиһа САРГЫЛАНА ЕГОРОВА оонньоото. Артыыска олоххо ситиһиилээхтик сылдьыбыт, таҥнары түһүүнү көрсүбүт, онтон сырдыкка суолга төннүбүт дьахтар уобараһын итэҕэтиилээхтик көрдөрдө, кыайа-хото толордо. Театрга биир саҥа аат таҕыста. Артыыстар Людмила Леонтьева, Гаврил Николаев, Алена Иванова, Тамара Куланова, Степанида Иванова итэҕэтиилээхтик оонньоотулар.
Саҥа арыйыынан Сэмэнчик уол оруолун чаҕылхайдык толорбут кыракый артыыс Г. С. Донской аатынан оскуола үөрэнээччитэ Айвар Прокопьев буолла.
Театрбыт сайда, саҥа туруорууларынан көрөөччүлэри үөрдэ турдун!
