В.О.Каратаев аатынан Олоҥхо дьиэтигэр Н.И. Ылахова аатынан «Алгыс» КНК И.М.Гоголев-Кындыл аатынан норуот театра 2023-2024 сс. театральнай сезонун арыйда. Дьоро киэһэни аал уокка айах тутан Алгысчыт Хабырыыл Уола Мэҥкэр Сэмэн саҕалаата.
Көрөөччүлэр режиссер Саха Республикатын культуратын үтүөлээх үлэһитэ Маргарита Соколова Туйаара Сиккиэр «Соһуччу көрсүһүү» кэпсээнинэн туруорбут дьүһүйүүтүн сэргээн көрдүлэр. Сүрүн оруоллары театр эдэр артыыстара Алена Давыдова, Николай Илларионов табыллан толордулар. Артыыстар өссө ырыаны-тойугу тартылар, көр-күлүү нүөмэрдэри бэлэхтээтилэр. Туруорууга
Оройуоннааҕы культура сайдыытын уонна норуот айымньытын Киинин специалистара Кристина Буслаева, Алена Иванова, Александра Иванова, Надежда Корякина, Николай Афанасьев-Айдаман кытыннылар. Артыыстары «Алгыс» Киин директора Алена Спиридонова, норуот айымньытын оройуоннааҕы Киинин методиһа Надежда Иванова эҕэрдэлээтилэр. Уонна, биллэн турар, Мадам Марго соһуччу бириистэринэн көрөөсчүлэрин үөртэ.
Театрбыт өссө да саҥа туруорууларынан көрөөччүлэри сэргэхситэ турдун!
