Бу күннэргэ Дойдубутугар норуоттар сомоҕолоһууларын күнүгэр культура тэрилтэлэрэ улуус олохтоохторугар патриотическай суолталаах элбэх үлэни тэрийдилэр Ол курдук “Вдохновение” (Кыһыл-Сыыр), “Түһүлгэ” ( Бороҕон), “Сардаҥа” (Хаҕын) сынньалаҥ кииннэригэр уус уран оҥоһуктар, уруһуй, кинигэ быыстапкалара, “Чэчиргэ” (Өкүндү) “Хаһан? Ханна? Хайдах?” түөлбэнэн өркөн өй күрэ5э , “Тускулга” (Халбаакы) “По следам истории страны” патриотическай квиз, “Алаһаҕа” (Илбэҥэ) тэрилтэлэр ыккардыларыгар “Вместе мы – сила” квест оонньуу, “Сайдамҥа” (Үгүлээт) “Мы все родом из СССР” күрэс,“Чэчиргэ” (Бала5аччы) интеллектуальнай оонньуу ыытылыннылар.
Маны таһынан культура кииннэригэр быстах хомуурга барбыт байыастарга көмөлөһөр сыаллаах «Бары бииргэ» акция-концертар, Балаҕаччыга, I-II Күүлэттэргэ, Хаҕыҥҥа атыы-эргиэн дьаарбаҥкалара тэрилиннилэр. Олохтоохтор бу тэрээһиннэргэ көхтөөхтүк кыттан сылаас таҥас-сап хомуйдулар, үп-харчы киллэрдилэр. Хаҕын бэтэрээннэрин сүбэтэ ыраах сылдьар биир дойдулаахтарбытыгар дойду тыынын иҥэриммит харысхаллары оҥорон туттардылар.
Ити курдук культура тэрилтэлэрэ дойдубутугар бу уустук, эппиэтинэстээх кэмҥэ улууспут нэһилиэнньэтин түмэн уопсайа 752409 солкуобай харчыны байыаннай эпэрээссийэҕэ кытта сылдьар уолаттарга, кинилэр дьиэ кэргэттэригэр көмөҕө киллэрдилэр.
Инникитин даҕаны, анал байыаннай эпэрээссийэ бэйэтин сыалын ситэригэр Бүлүүбүт дьоно бу курдук биир санаанан баар кыаҕы, күүһү түмэн ыытыллар үлэҕэ-хамнаска көхтөөхтүк кытта турарыгар бигэ эрэллээхпит.
