Сэтинньи 2 күнүгэр М.Н. Жирков аатынан оройуоннааҕы Култуура Дыбарыаһын историческай саалатыгар Кэбээйи улууһун Мастаах, Бүлүү улууһун Тааһаҕар оскуолаларын фольклорнай бөлөхтөрүн икки ардыларыгар В.О. Каратаев аатынан Олоҥхо Дьиэтин бырайыагынан (тэрийээччи СӨ култууратын туйгуна, СӨ үтүөлээх этээччитэ Н.А. Афанасьев-Айдаман) тэриллибит “Удьуору утумнаан” диэн көрсүһүү кыттыылаахтара ыалдьыттаатылар.
Барыта 30-ча оҕо Бүлүү улууһун туһунан видеоролигы, Бүлүүттэн төрүттээх Саха АССР автономиятын төрүттэспит С.М. Аржаков, С.Ф. Гоголев, судаарыстыбаннай диэйэтэл Г.И. Чиряев уонна Бүлүү киэн туттар тустарынан интерактивнай дуоскалар, витриналар, матырыйаалларын, кэрэхсээтилэр, элбэҕи биллибит диэн махтаннылар.
Дыбарыас фотогалереятын, конференц-залын, көрөр саалатын, театральнай холлу, дьарыктанар кабинеттары сэргээтилэр.
