Төрөөбүт тыл күнүн чэрчитинэн, Бүлүү улууһугар Саха тылыгар аналлаах тэрээһиннэр саҕаланнылар.
Олунньу 7 күнүгэр Киин библиотека ааҕар саалатыгар Бүлүү фольклорун уонна ырыаһыттарын тарҕатааччы, үйэтитээччи, Саха Өрөспүүбүлүкэтин культууратын Үтүөлээх үлэһитэ, самодеятельнай композитор, Саха сирин ырыа айааччыларын союһун чилиэнэ Иван Иванович Тулааһынап «Ырыа куттаах Уйбаан Тула…» диэн фольклорга анаан таһаарбыт диискэлэрин билиһиннэрэр киэһэтэ буолла.
Кыттыыны ыллылар кэрэ куоластаах ырыаһыттарбыт, тойуксуттарбыт
Ыҥырыылаах ыалдьыттар Иван Ивановиһы үөрүүлээх тэрээһининэн эҕэрдэлээтилэр.
Олунньу 8 күнүгэр Олоҥхо дьиэтигэр алгысчыт, оһуокайдьыт, норуот эмчитэ, сцена уонна үлэ бэтэрээнэ Мылахова Агафья Федотовна 55 сыллаах үбүлүөйүгэр анаан алгыстаах, элбэх эҕэрдэ тыллаах, музыкальнай номердардаах тэрээһин буолла. Улуус льаһалтатын социальнай боппуруостарга отделын начальнига Кудайбердиева Аксинья Андреевна Агафья Федотовнаҕа «Бүлүү улууһун культуратыгар уонна духуобунай эйгэтигэр кылаатын иһин» түөскэ кэтиллэр бэлиэни туттарда.
Агафья Федотовна кэлбит дьону алҕаата, бары үтүөнү баҕарда уонна истиҥник махтанна.
Улуустааҕы культура управлениета.
