Алтынньы 27-31 күннэригэр Москваҕа Аан дойдутааҕы «РОЗА ВЕТРОВ» күрэх 29-с сезонун түмүктүүр көрүүтүгэр Хампатааҕы оҕо театральнай искусствотын көрдөрүүлээх коллектива күрэххэ ситиһиилээхтик кыттан «драматическай испэктээх» номинацияҕа Бастакы бириэмийэ ЛАУРЕАТА уонна КЫЛААН (ГРАН-ПРИ) кыайыылаах буолла!
Коллектив 2014 сылтан ыла бу Аан дойдутааҕы сыл аайы ыытыллар улахан түһүлгэ бастакы истиэпэннээх Лауреата буолар.
Быйылгы көрүүгэ оскуола директора, режиссер Саха Республикатын культуратын үтүөлээх үлэһитэ Н.И.Ксенофонтов суруйуутугар уонна туруоруутугар «Кыырай халлаан кыыһа Кыталы Куо» саҥа этно-драматическай испэктээҕи көрдөрдүлэр. Николай Ивановичка Арассыыйа театральнай диэйэтэллэрин Сойууһа 2023 сыл олунньу 23 күнүгэр анаабыт «ПРИЗНАНИЕ-2023» бириэмийэтин туттардылар.
Театр ускуустубатын алыптаах иэйиитигэр куустаран Аан дойдутааҕы, Арассыыйатааҕы үрдүк түһүлгэлэргэ төрөөбүт Хампаларын, Бүлүүбүтүн, Сахабыт сирин дьоһуннаахтык ааттатар эдэр кэскиллээх оҕолорбутун, кинилэри бары өттүнэн сайыннарар талааннаах уһуйааччылары, өйүүр, хааччыйар төрөппүттэри, сахалыы ураты куттаах режиссер Николай Ивановиһы ис сүрэхтэн эҕэрдэлиибит! Эһигинэн киэн туттабыт уонна өссө да саҥа туруоруулары, үрдүк ситиһиилэри баҕарабыт!
