Социалистическай Үлэ Геройа П.И.Быканов аатынан Халбаакы орто оскуолатын «МАСКА» театральнай куруһуогун оҕолоро (салайааччы Иннокентий Егорович Николаев) культура Дыбарыаһын көрө, үлэтин-хамнаһын билсэ сырыттылар. Оҕолор Дыбарыаска бастаан сылдьар буолан ыйыталаһаллара элбэх. Бүлүүттэн төрүттээх биллиилээх культура уонна искусство деятеллэрин фотогалереятын көрөн элбэх да биллэр артыыстардаах эбиппит диэн үөрдүлэр. М.Н.Жирковка аналлаах фотостендэлэри интэриэһиргээтилэр, историческай сааланы сэргээтилэр.
Үлэлии сылдьар специалистары кытта көрүстүлэр, үлэлэрин билистилэр, репетиция түгэннэрин көрдүлэр. Бэйэлэрэ театральнай туруорууга бэлэмнэнэллэрин кэпсээтилэр.
Кинилэртэн, баҕар, эмиэ Бүлүүнү ааттатар артыыстар тахсыахтара, оҕолорбут кэрэҕэ тардыһа, сайда турдуннар!

ОСТАВЬТЕ ОТВЕТ

Пожалуйста, введите ваш комментарий!
пожалуйста, введите ваше имя здесь