Сэтинньи ый 27 күнүгэр бүлүүлэр сүгүрүйэр биир дойдулаахпыт Саха АССР оскуолаларын үтүөлээх учуутала, самодеятельнай композитор, Бүлүү куоратын бочуоттаах олохтооҕо Ефим Алексеевич Михеев төрөөбүтэ 95 сылын туолар. Бу бэлиэ кэми бэлиэтээһин чэрчитинэн сэтинньи 26 күнүгэр кини 34 сыл олорбут дьиэтигэр Мэҥэ дуоска туруорулунна. Тэрээһиҥҥэ улуус дьаһалтатын социальнай политикаҕа отделын начальнига А. А. Кудайбердиева, куорат баһылыгын солбуйааччы Н. В. Иванов, чугас ыала Р. Р. Николаева, кыыһа И. Е. Васильева тыл эттилэр.
Е. А. Михеев туһунан үтүө өйдөбүл биир дойдулаахтарыгар өрүү баар буолуо!
