Бүлүү улууһа «Культура уонна норуот айымньытын сайдыытын оройуоннааҕы киинэ»
Бүлүү улууһун олохтооҕо, тойуксут, оһуохайдьыт, норуот ырыатын толорооччу, ЯАССР культуратын үтүөлээх үлэһитэ, хомус ууһа, норуот маастара Иван Федорович Захаров — Кылыадьы Уус төрөөбүтэ 100 сылыгар аналлаах «Бүлүүлүү сыыйа тардыы» улуустааҕы хомуска тардыы дистанционнай күрэх балаһыанньата.
Буолар күнэ-дьыла: 2020 сыл, ыам ыйын 15 күнүттэн 29 күнүгэр диэри күрэххэ кыттар нүөмэрдэри ыытыы. Түмүк Ыам ыйын 30 күнүгэр тахсар.
Тэрийээччилэр: МБКТ «Бүлүү улууһун Культура уонна норуот айымньытын сайдыытын оройуоннааҕы Киинэ».
Күөн-күрэс сыала-соруга:
🔊 Хомуска сыыйа тардыы билиҥҥи туругун көрүү, олохсуйан сайдар суолун торумнааһын;
🔊 Эдэр ыччаты хомуска сыыйа тардыыга уһуйуу, үөрэтии;
🔊 Хомуска сыыйа тардыыны толорооччулары көҕүлээһин, дьоҥҥо-сэргэҕэ билиһиннэрии;
🔊 Хомуска сыыйа тардыыны үйэтитии.
Күөн-күрэс ирдэбиллэрэ:
📌 «Сыыйа тардыы» ньыматынан оонньооһун;
📌 Хомусчут толорор таһыма, дорҕоонун эгэлгэтэ, дьиктитэ;
📌 Сыыйа тардыы ньыматын айымньыга туһаныы таһыма;
📌 Күргүөмүнэн сыыйа тардыыга бөлөх айар кыаҕын көрдөрүү;
📌 Кыттааччы сахалыы традиционнай таҥастаах буолара ирдэнэр;
📌 Хомуһунан сыыйа тардан дьүһүйүү 5-7 мүнүүтэттэн ордуо суохтаах
Сыаналааһын түөрт бөлөҕүнэн ыытыллар:
✔️ 7-12 диэри саастаах оҕолор
✔️ 13-17 диэри саастаах оҕолор
✔️ 18-тан 35-гэр диэри саастаах ыччат
✔️ 36-тан үөһээ саастаахтар улахан дьон.
Тэрээһин ирдэбиллэрэ:
💠 Биирдиилээн кыттааччы — усунуоһа 300 солк., бөлөхтөн — хас биирдии кыттааччыттан 100 солк.;
Биһирэбил көрүҥнэрэ:
1️⃣ Күрэх бөлөҕүн аайы 1 миэстэ олохтонор;
2️⃣ Хас биирдии кыттааччыга Туоһу сурук туттарыллар;
3️⃣ Дьүүллүүр сүбэ быһаарыыта бүтэһиктээх.
Күрэххэ кыттар нүөмэрдэргитин уонна усунуоһу WhatsApp 89841028815 нүөмэргэ ыытаҕыт.
