Олунньу 10 күнүгэр М.Н. Жирков аатынан оройуоннааҕы культура Дыбарыаһын историческай саалатыгар Российскай Федерацияҕа биллэриллибит Учуутал уонна уһуйааччы сылын уонна Бүлүү улууһун үөрэҕириитин үлэһиттэрин олунньутааҕы мунньахтарын чэрчитинэн биир дойдулаахпыт, улуус олохтоохторо, үөрэх эйгэтин үлэһиттэрэ киэн туттар киһибит Аҕа дойду Улуу сэриитин кыттыылааҕа, педагогическай үлэ бэтэрээнэ, Саха АССР оскуолаларын үтүөлээх учуутала, РСФСР норуотун үөрэҕириитин туйгуна, педагогика билимнэрин кандидата, С.А.Новгородов аатынан бириэмийэ лауреата, учуобунньуктар ааптардара, Бүлүү улууһун, Бүлүү улууһун Тааһаҕар нэһилиэгин Ытык киһитэ Игнатий Иванович Каратаев төрөөбүтэ 100 сылыгар аналлаах кини олоҕун уонна үлэтин сырдатар быыстапката аһылынна.
Быыстапка аһыллыытын кыттыылаахтара И.И. Каратаев туһунан видеоролигы сэргээн көрдүлэр. Тааһаҕар нэһилиэгин баһылыга С.С. Каратаев уонна улуус баһылыгын социальнай политикаҕа солбуйаччыта А.А. Прокопьев И.И. Каратаев төрөөбүтэ 100 сылыгар аналлаах нэһилиэккэ, улууска ыытыллыахтаах дьаһалла тустарынан иһитиннэрдилэр. Ким Осипов «Учууталга» ырыанан эҕэрдэлээтэ.
Ытык киһи, буойун, учуутал, учуонай Игнатий Иванович Каратаев аатынан киэн тутта, үлэтин-хамнаһын, нэһилиэстибэтин үйэтитэ туруоҕуҥ!
