2022-2023 сс. үөрэх дьылыгар Г. С. Донской аатынан Бүлүүтээҕи N 2 орто оскуола үс маҥнайгы кылаастарыгар 63 оҕо үөрэнэ киирдэ.
Алтынньы ый 28 күнүгэр В. О. Каратаев аатынан Олоҥхо Дьиэтигэр кырачаан үөрэнээччилэри билии аартыгар киллэрии үөрүүлээх тэрээһинэ буолла.
Саха Өрөспүүбүлүкэтин култууратын туйгуна, Алгысчыт Владимир Спиридонович Николаев «Ыллык» түмсүү көхтөөх кыттааччыларынаан оҕолорго, төрөппүттэргэ уонна ыалдьыттарга Алгыс сиэрин-туомун оҥордулар. Оҕолорго оскуола үөрэнээччитэ буолбуттарын туоһулуур Суруктары туттардылар, ырыа-хоһоон чугдаарда. Оҕолор, төрөппүттэр уонна ыалдьыттар быраһынньыктааҕы минньигэс тортан амсайдылар. Тэрээһин олус көхтөөхтүк, үрдүк таһымҥа ыытылынна.
