Суон сиргэ сураҕырбыт Олоҥхо дойдута Сунтаар улууһугар муус устар 8-9 күннэригэр Сунтаар улууһун култууратын уонна айылгытын салалтата, С.А. Зверев – Кыыл Уолун аатынан норуот айымньытын киинэ иккис төгүлүн «Тоҕус оһуордаах түһүлгэ» диэн норуот уус-уран айымньытын 9 фольклор көрүҥэр Өрөспүүбүлүкэтээҕи күрэс буолан ааста. Күрэскэ уопсайа 10 улуустан Эбээн Бытантайтан, Томпоттон, Намтан, Мэҥэ Хаҥаластан, Дьокуускайтан, Бүлүүттэн, Үөһээ Бүлүүттэн, Ньурбаттан, Сунтаартан 638 киһи кыттыыны ылла.
Бүлүү улууһуттан барыта 43 киһи баран кыттыыны ыллылар. Ол курдук, Нороуот ырыатыгар уонна хомус көрүҥнэригэр култуура сайдыытын уонна норуот айымньытын иһинэн үлэлиир “Дорҕоон” этно-фольклорнай бөлөх 14 киһи (сал.Корякина Н.Ю.), Оһуокай уонна олоҥхо көрүҥнэригэр Н.И. Ылахова аатынан «Алгыс» национальнай култуурнай киинтэн Олоҥхоһуттар уонна тойуксуттар норуодунай коллективтарыттан 4 киһи(сал.С.Т.Иванова), Төрүт үҥкүү күрэһэр Бүлүүтээҕи педагогическэй колледжтан “Айылгы” ырыа уонна үҥкүү норуодунай бөлөҕө 21 киһи (сал. Томский В.В), саха быһаҕын күрэһэр 4 дэгиттэр Уус уолаттар Томский С.С., Матвеев Л.В., Осипов С.Д., Федоров Е.П. кыттыыны ыллылар.
Көрүү күрэс түмүгүнэн оһуокайга 1Чочуттан Менкяров С.Г, Үгүлээттэн Кузнецова Л.Н, Бүлүүттэн Харлампьева С.П., Харлампьева К.П. «Бастыҥ оһуокайдьыт» анал аат, норуот ырыатыгар «Дорҕооннор» 3 үрдэл, хомуска 2 үрдэл, төрүт үҥкүүгэ «Айылгылар» 1 үрдэл, быһах күрэһэр Томский С.С анал ааты ситистилэр.
