Бүгүн — Саха Өрөспүүбүлүкэтин норуотун маастарын күнэ. Быйылгы XIII «Якутия мастеровая» быыстапка-дьаарбаҥкаҕа Бүлүүттэн тарбаҕар талааннаах 30-ча уус- иис маастардара кыттыыны ыллылар. Бу күн Дьокуускай к. кэнники сылларга үгэс курдук Орджоникидзе болуоссатыттан Ленин болуоссатыгар дылы сахалыы таҥастаах сэлэлии хаамсыыга кыттааччы сыллата элбээн иһэр.
Бүлүү уус-иис куттаахтара бүгүн бу хаамсыыга тэрээһиннээхтик кытыннылар.
Норуоппут ураты муудараһын иҥэриммит үйэлээх дьарыга айан таһаарар, дьэргэлгэн кэрэтинэн кэрэхсэтэр, кустук өҥүнэн куоһанар сиэдэрэй таҥаһа сайда, аар-саарга ааттана, тарҕана турдун!
