СӨ Олоҥхо Дьиэлэрин биир кэлим ситимин олохтооһуҥҥа култуурунай экспедиция айанын чэрчитинэнМ. Н. Жирков аатынан оройуоннааҕы Дыбарыаска «Олоҥхо — омукпут олуга» лиэксийэни Олоҥхо Тыйаатырын искусствовед-лиэктэрэ, СӨ култууратын үтүөлээх үлэһитэ В. П. Стручков, «Мультимедийнай технологиялар» практикум-лиэксийэни үнүстүтүүт отделын салайааччыта В. В. Ефимов ыыттылар.
Хомуска маастар- кылаастары Хомус аан дойдутааҕы Түмэлин уонна Киинин исписэлииһэ Айсен Деллохов, Олоҥхо Тыйаатырын артыыската Вероника Лыткина, тойукка Олоҥхо тыйаатырын артыыската Күннэй Николаева, кырыымпаҕа Олоҥхо тыйаатырын артыыстара Айсен Кысылбаиков, Прокопий Сыроватскай, Олоҥхо тыйаатырын артыыһа, СӨ култууратын үтүөлээх үлэһитэ Дмитрий Иванов
ыыттылар.
Лиэксийэлэри истибиттэр, маастар-кылаастарга дьарыктаммыттар элбэҕи билэн, үөрэнэн астыннылар, махтаннылар.
