Улуу Кыайыы 78 сылынан улуус культуратын үлэһиттэрин идэлээх Союһун комитета (бэрэссэдээтэл культура сайдыытын уонна норуот айымньытын оройуоннааҕы Киинин методиһа Александра Иванова) ыам ыйын 4 күнүгэр В.О. Каратаев аатынан Олоҥхо Дьиэтигэр культура бэтэрээннэригэр анаан дьоро биэчэри ыытта.
Бырааһынньык тэрээһинин П.Х .Староватов аатынан Бүлүүтээҕи кыраайы үөрэтэр түмэл коллектива (директор Т.Н. Афанасьева) истиҥник, сэргэхтик, көрдөөхтүк ыытта.
Культураҕа үлэлээбит тыыл, үлэ бэтэрээннэрин, сэрии кэмин оҕолорун улуустааҕы профсоюз комитетын председателэ Александра Иванова, культура сайдыытын уонна норуот айымньытын оройуоннааҕы Киинин салайааччыта Алена Дашевская эҕэрдэлээтилэр, Эҕэрдэ суруктары туттардылар.
Биир идэлээхтэрин И.М.Гоголев-Кындыл аатынан Бүлүүтээҕи кииннэммит библиотека ситимин директора Николай Харлампьев, профком бэрэссэдээтэлэ Анна Чемпорова, М.Н.Жирков аатынан Бүлүүтээҕи оҕо искусствотын оскуолатын профком бэрэссэдээтэлэ Саргылана Атасова, искусство оскуолатын ойуулуур-дьүһүннүүр филиалын сэбиэдиссэйэ Афанасий Иванов, музей директора Татьяна Афанасьева, профкомун бэрэссэдээтэлэ Екатерина Михайлова, Н.И. Ылахова аатынан «Алгыс» НКК директора Алена Спиридонова, профком бэрэссэдээтэлэ Светлана Иванова эҕэрдэлээтилэр, бэлэхтэрин туттардылар.
П.Х.Староватов аатынан Бүлүүтээҕи кыраайы үөрэтэр түмэл коллектива көрдөөх оонньууну, викториналары ыытан кыайыылаахтар бириис тутан, минньигэс ас аһаан үөрдүлэр-көттүлэр. Саргылана Атасова, Василина Тараховская, Александр Иванов- Уол Сомоҕо, Надежда Корякина, Людмила Иванова ырыа бэлэхтээтилэр, бэтэрээннэр ырыаҕа доҕуһуоллатан үҥкүүлээн сэгэйдилэр.
Күндү аҕа саастаах Ытык дьоммут, Эһиэхэ махтанабыт, Эһигинэн киэн туттабыт, Эһигини ытыктыыбыт! Этэҥҥэ сылдьыҥ, доруобай буолуҥ!
