2023 сыл – Бүлүүгэ бастакы норуот библиотеката аһыллыбыта 125 сыла.
М.Н. Жирков аатынан оройуоннааҕы культура Дыбарыаһыгар Бүлүү библиотекатын үбүлүөйдээх сылын аһыллыытыгар аналлаах үөрүүлээх тэрээһин буолла. Бүлүүтээҕи норуот библиотекатын историятын туһунан видеоролик, И.М. Гоголев-Кындыл аатынан улуустааҕы кииннэммит библиотека ситимин директора Н.Н. Харлампьев дакылаата дьон болҕомтотун тарта. Николай Николаевич тэрилтэ үбүлүөйдээх бэлиэтин билиһиннэрдэ. Сыл үөрүүлээхтик аһыллыытынан Саха Республикатын Судаарыстыбаннай Мунньаҕын (Ил Түмэн) бэрэстээтэлэ А.И. Еремеев, Бүлүү улууһун баһылыга С.Н. Винокуров, Бүлүү улууһун депутаттарын Оройуоннааҕы Сэбиэтин бэрэстээтэлэ Г.С. Корякин, Бүлүү куоратын баһылыга Я.А. Попов, Бүлүү улууһун культура сайдыытыгар уонна норуот айымньытыгар оройуоннааҕы Киинин уус-уран салайааччыта А.А. Иванова эҕэрдэлээтилэр, наҕараадалары, Махтал Суруктары туттардылар.
Биир идэлээхтэригэр видео эҕэрдэлэрин Саха Өрөспүүбүлүкэтин Национальнай библиотекатын директоры солбуйааччы В.Б. Борисов, И.М.Гоголев-Кындыл кыыһа, саха суруйааччыта А.И. Гоголева, Үөһээ Бүлүүттэн улуус баһылыгын социальнай боппуруостарга солбуйааччы Л. С. Тойтонова, культура уонна духуобунай сайдыы Департаменын салайааччыта С.С. Ильинова, норуот айымньытын Киинин директора А. Босикова, О. Д. Федорова аатынан Үөһээ-Бүлүүтээҕи библиотека ситимин директора Н.К. Петрова, П. А. Ойуунускай аатынан Саха академическай театрын кылаабынай режиссера, Р.И. Тараховскай, Хаҥалас улууһунааҕы библиотека ситимин директора И.И.Адамова, Т.Е. Сметанин аатынан Кэбээйи улууһунааҕы библиотека ситимин коллектива ыыттылар.
Директоры солбуйааччы Ф.А. Игнатьева, оҕо библиотекатын сэбиэдиссэйэ В. В. Софронова, ааҕааччыны кытта үлэлиир салаа кылаабынай библиотекара Т.Г. Иванова, Ыччат библиотекатын сэбиэдиссэйэ С. С. Николаева, М.П. Дмитриева, тыа сиринээҕи филиаллар салайааччылара, 50-ча сыл үлэлии сылдьар культура бэтэрээнэ М.П. Дмитриева библиотека үлэтин билиһиннэрдилэр ону тэҥэ көхтөөх ааҕааччы оҕолорго, библиотека партнердарыгар махталларын тиэртилэр.
Музыкальнай эҕэрдэлэри “Үрүччэ” оҕо үҥкүү ансамбла (сал. Туяра Колесова), Евгений Корякин, Виталий Мучурунов, «Чуораанчык” уһуйаанын иитиллээччитэ Амелия Атаманова, Бүлүү начальнай оскуолатын 4 «б” кылааһын үөрэнээччитэ Артур Степанов, сцена бэтэрээнэ Анна Игнатьева, «Кэрэли» үҥкүү ансамбла (сал. Юлия Федорова) бэлэхтээтилэр
125 сыл устата киһи-аймах муспут өркөн өйүн, кэрэни-үтүөнү, үйэлээҕи кинигэ нөҥүө тарҕатар үлэ дьонун — библиотекабыт бары бэтэрээннэрин, үлэһиттэрин өссө төгүл ис сүрэхтэн эҕэрдэлиибит, айымнылаах үлэни, бары үтүөнү баҕарабыт!.
